Lyfjagreiðslunefnd er að ljúka heildarverðendurskoðun og mun 3. og síðasti áfanginn taka gildi 1. júní n.k.

Í þessum áfanga eru þrír lyfjaflokkar með skilyrta greiðsluþátttöku skv. Reglugerð  403/2010, með síðari breytingum þ.e. ATC-flokkarnir , M05B, N06AB og N06AX ásamt R03A og R03B. Mögulegar verðlækkanir í kjölfar verðendurskoðunar nefndarinnar geta leitt til þess að lyf eða einstaka pakkningar sem höfðu greiðsluþátttöku í maí verði án greiðsluþátttöku í júní.

Til að bregðast við þessu hefur nefndin ákveðið að í þeim tilfellum sem þetta á sér stað mun greiðsluþátttaka haldast á viðkomandi pakkningu í júníverðskrá og umboðsmaður getur lækkað verð til 10.júni.

Nefndin vill árétta að hér er um einstaka fyrirbyggjandi ráðstöfun að ræða með hag sjúklinga að leiðarljósi.

 Í  áfanga 2. í heildarverðendurskoðuninni kom ekki til að bregðast þurfti við með þessum hætti og óvíst er hvort á þetta reynir í þessum áfanga.