Þann 1. júní n.k. kemur til framkvæmda fyrsti hluti af þremur í heildarverðendurskoðun Lyfjagreiðslunefndar 2009.
Áætlað er að hlutar tvö og þrjú komi til framkvæmda 1. ágúst og 1. september n.k.

Til að uppfylla 14. gr. stjórnsýslulaga nr. 37/1993 hyggst Lyfjagreiðslunefnd birta á heimasíðu sinni lista yfir þær lyfjapakkningar sem koma til lækkunar í tveimur seinni hlutum heildarverðendurskoðunarinnar fyrir 10. hvers mánaðar áður en verðskráin tekur gildi.

Þetta verður með þeim hætti að upplýsingar um lyfjapakkningar sem lækka í verði þann 1. ágúst verða birtar fyrir 10. júlí og upplýsingar um lyfjapakkningar sem lækka í verði þann 1. september verða birtar fyrir 10. ágúst.

Hagsmunaaðilar geta þá komið að athugasemdum telji þeir það nauðsynlegt í samræmi við 13. gr. stjórnsýslulaga.