Frá og með lyfjaverðskrá 1. febrúar munu GTIN númer ekki vera hluti af lyfjaverðskrá.

Skrá yfir GTIN-númer hefur verið aðskilin frá lyfjaverðskrá og verður frá og með 1. febrúar 2020 „lifandi skrá“ í rauntíma og aðgengileg í gegnum vefþjónustu. Apótek og aðrir sem þess óska geta tengst skránni í gegnum vefþjónustu, hvenær sem er, til að nálgast upplýsingar um GTIN númer lyfja. Umboðsaðilar / heildsalar fá aðgang til að skrá sín GTIN númer í GTIN-kerfið. Þeir munu sjá um skráningar og breytingar GTIN númerum og munu framvegis bera alfarið ábyrgð á sínum GTIN númerum.

Fyrir þá umboðsaðila / heildsala sem óska eftir aðgangi til að skrá og halda utan um sín GTIN númer vinsamlega hafa samband við lyfjagreiðslunefnd í tölvupósti á netfangið [email protected]

Ef upp koma vandamál varðandi GTIN númer ( t.a.m. ef þau eru röng eða finnast ekki ) er apótekum bent á að snúa sér til umboðsaðila lyfjanna.

Ef vandmál koma upp varðandi aðgangsmál í GTIN kerfið er umboðsaðilum og heildsölum bent á að snúa sér til lyfjagreiðslunefndar og senda tölvupóst á netfangið [email protected]