Hækkun á kostnaðarálagi veltulítilla lyfja frá 1. maí nk.

Um árabil hefur lyfjainnflytjendum verið heimilt, í samræmi við vinnureglu lyfjagreiðslunefndar um ákvörðun hámarksheildsöluverðs á lyfjum, að sækja um allt að 15% álag á markaðssett lyf að því gefnu að áætluð ársvelta með veltuálagi sé undir 3,5 milljónum króna.

Lyfjagreiðslunefnd tók þá ákvörðun á 316. fundi nefndarinnar þann 11. mars sl. að hækka kostnaðarálag veltulítilla lyfja.  Frá og með 1. maí nk. geta lyfjainnflytjendur sótt um allt að 15% álag á markaðssett lyf að því gefnu að áætluð ársvelta með veltuálagi sé undir 6 milljónum króna.

Ofangreindri vinnureglu lyfjagreiðslunefndar um hámarksheildsöluverð á lyfjum hefur verið breytt til samræmis við ákvörðunina og verður uppfærð vinnuregla birt á heimasíðu nefndarinnar.