Þann 13. september s.l. kynnti lyfjagreiðslunefnd á heimasíðu sinni að hafin væri, að ósk Sjúkratryggingar Íslands, endurskoðun á almennri greiðsluþátttöku í einstökum verkjalyfjum. 

Erindið var tekið til lokaumfjöllunar og afgreiðslu á 199. fundi nefndarinnar þann 11. nóvember 2013.

Á þeim fundi var ákveðið að ekki væri tímabært að fara út í breytingar á greiðsluþátttöku í þessum einstöku verkjalyfjum að svo stöddu.

Það er gert í ljósi þess að nefndin metur það svo að þau sérfræðiálit sem borist hafa nefndinni mæli ekki með breytingu á greiðsluþátttöku á þessum verkjalyfjum.